Электрмен жабдықтау және электр қуатын өткізу қызметтерінің бөлінуі кезінде, Қазақстан Республикасының 2004 жылғы 9 шілдедегі № 588-ІІ «Электр қуаты туралы» занының 25 бабының 1 тармағына сәйкес, 2005 жылдың 25 қаңтарында «Жетысу Энерготрейд» жауапкершілігі шектеулі серіктестігі құрылды. Бұл бөлінудің себебі, нарықтық механизмге сай бәсекелес ортаны құрып, электрмен жабдықтаудың сенімділігін арттыруға ықпал етеді. «Жетысу Энерготрейд» ЖШС Жетісу облысының тұтынушыларын электр қуатымен қамтамасыз ететін электрмен жабдықтау ұйымы болып табылады.
«Жетысу Энерготрейд» ЖШС-ның құрамына 11 ауданық бөлімше кіреді, олар электр қуатын тұтынушы 195 738 абоненттерімен жұмыс істейді, олардың 186 076 абоненті жеке тұлға болса, 9659 абоненті заңды тұлға. Елді мекендерінің аралығындағы жолдардың жалпы ұзындығы 13 873 км құрайды.
Қазіргі кезде «Жетысу Энерготрейд» ЖШС-і өзінің қызметін Жетісу облысының Талдықорған, Текелі қалалары, Алакөл, Сарқан, Ақсу, Ескелді, Көксу, Қаратал, Панфилов, Кербұлақ аудандарында атқарады.
«Жетысу Энерготрейд» ЖШС Жетісу облысы тұтынушыларын электр қуатымен қамтамасыз ету үшін Екібастұз қаласының «Екібастұз МАЭС-1» ЖШС-дан, және «Екібастұз МАЭС-2» АҚ-нан, Тараз қаласы «Т.И.Батуров атындағы Жамбыл МАЭС» АҚ-дан, «Каскад Каратальских» ЖШС-нен, Алматы облысы «Мойнақ СЭС» АҚ-дан электр қуатын сатып алады.
Сатып алынған электр қуатын аймақаралық «KEGOC» АҚ, «ТАТЭК» АҚ, «Каратал Транзит» ЖШС, «Т-Транзит» ЖШС, " НК" "КТЖ" «Алматинское отделение магистральной сети» АҚ, «УК СЭЗ «Хоргос-Восточные ворота» АҚ-ы электр тасымалдаушы жүйелері арқылы тасымалданады.